:::

週三Rti 中央廣播電臺Rti 中央廣播電臺粵講粵威水

  • 按讚加入粵講粵威水粉絲團
粵講粵威水
2010年,中國廣東省廣州市的部分市民發起一系列捍衛粵語的行動。
 
2018年,香港教育局小學中文網頁內的一篇由中大學者宋欣橋教授撰寫的文章中,提到粵語並非「母語」。從此,引起了港人撐粵語之戰。
 
這一件件的新聞事件,當然讓人瞠目結舌,但都比不上,看著近年,港澳愈來愈多學校在校內僅以普通話及英文授課來得震撼。
 
看著港澳的年輕一輩,居然用普通話來背唐詩三百首、黃鶴樓、愛蓮說、習慣說...,討論課業,普通話說得比粵語還流利,是真有危機感了,難怪粵語粵字變成了近年的熱潮。
 
這股潮流在有心人士的深入探討後,的確「粵人」講「粵語」是愈講愈有理的。粵語是有學問、並且淵源流長的一種語言,粵人在堅持說母語的同時,也應該以探究學問的方式,了解其中深意。

節目快訊

播出時間: 2021-07-28
香港粤語嘅前世今生
香港人講粤語,咁香港人而家講嘅呢種--大家聽慣嘅粵語口音,到底係從何而嚟?   呢個真係要講吓歷史。首先,香港係開埠之前,原居民有四大族群,包括:香港圍村人,啫圍頭人,圍頭人講圍頭話;疍家人,啫水上人,水上人講疍家話;客家人,客家人講客家話;鶴佬人,啫閩南人,閩南人講鶴佬話,各講各嘅語言。   咁係香港開埠之後,因為太平天國戰禍嘅影響,好多華南人湧入香港,呢個係香港粤語嘅雛形。   到左1949年前後,再到50、60、70、80年代,因為政局因素、經濟發展、搵錢搵食,陸陸續續,好多上海人、江浙人、潮汕人、廣府人、寶安縣人、粤西人...,無論係偷渡,定係申請批准,一批批各地口音嘅人,或前或後去到香港,經過時間,經過自然演變,而揉合成而家嘅香港粤語。   咁樣嚟睇,香港口音應該係好雜先啱,點解會出現而家愈嚟愈單純統一嘅狀況?   呢個一定要多得60、70年代開始,香港勁到爆嘅流行歌影視文化同傳媒。香港嘅電視、電台、電影、流行歌...,係大肆傳播之下。聽住電台、睇住電視大嘅呢一輩輩嘅人,自然學晒傳媒所傳播嘅口音。   再嚟,香港生活壓力大,大概都係原因之一。粤語係香港嘅生活語言。當年,大陸移民到香港之後,為左生活,為左唔想俾人貼「阿燦」標籤,介意自己口音嘅人,就會好努力學好粤語。呢個係當年嘅狀況,而家好多新移民係覺得唔使學。   總而言之,就算移民嘅第一代仲有鄉下嘅音,佢嘅下一代,自自然然都會跟左當地嘅音。所以咁樣睇,只要幾十年,一個地方嘅主要口音就可以形成出嚟!至於會形成點樣嘅口音,同當時嘅社會、經濟、人口結構組成、流行文化、傳媒...乜嘢都好有關係!...更多
播出時間: 2021-07-21
冇粤語嘅生活環境  廣州粤語早就危危乎!?

講到粤語,喺好多字典詞典裡面,經常有句就係講話:「粵語以廣州話作為代表音」。到底廣州音係點㗎!廣州音就準?!

...更多
播出時間: 2021-07-14
粵語變調,開口就知係唔係本地人?!

咩係變調?變調就係喺特定語句嘅時候,會讀另一個調;但係單獨用嘅時候,又會讀返本調。變調喺有聲調嘅語言裡面,係經常有嘅情況。

...更多
播出時間: 2021-07-07
三碗半牛腩飯394052 背熟口訣學粵語六聲

粵語嘅聲調,先生教落,只要背熟「三碗半牛腩飯」,或者「394052」,九聲就係「394052786」,背熟呢個旋律,一個個音套入去,搞掂。但係,好多人背左呢幾句,都係搞唔掂粵語聲調,到底點樣分呀?

...更多
播出時間: 2021-06-30
非粵語人學粵語,幾耐學得識?

有啲速成班,話3日學識;有啲話7日;有語言中心推21日速成班;基本上推得比較多嘅都係8週,12週;甚至有啲係推初級班、中級班。

...更多
1 2 3 4 5 6
上一頁下一頁

相關留言